Material didaktikoa

Atal honetan Beste Kaleak proiektu didaktikoa gelara eramateko baliabide eta tresna guztiak aurkituko dituzu. Unitate didaktikoa eta bestelako material zehatzagoak aurkituko dituzu.

Jaitsi unitate didaktikoa jaitsi hemen
Jaitsi lanketa-prozesua jaitsi hemen
Jaitsi webgunearen erabilerari buruzko azalpena jaitsi hemen

Faseak asteka

1
Historiara gerturatzen
2
Historialari izan
3
Idazle izan
4
Editore izan
5-6
Zure herriko kaleak izendatu
7
Kale izenak mapan
8
Ekintzaile bihurtu
9
Amaierako ebaluazioa

1. astea: Euskal Herriko emakumeen historiara gerturatzen

Lanean hasi baino lehen, irakaslea webgunean erregistratuko, taldeak osatzeko eta gaian kokatzeko aurretiko lanketa egingo du. Erregistroa egiteko, bestekaleak.eus webgunean SAIOA HASI beharko du. Gaian kokatzen laguntzeko, bestekaleak.eus webguneko fitxak kontsultatu daitezke eta horiek ondoren gelan ikasleekin partekatu eta gidan aurkituko duzun dinamika baten bidez landu.

2. astea: Historialari izan. Informazio bilketa lana

Prozesuaren bigarren astean, ikasleek informazio bilketa lana egin beharko dute. Horretarako, ikasleek internet, entziklopediak edota elkarrizketak baliatu ahalko dituzte. Helburua aurreko fasean ikusitako fitxa antzekoak sortzea da.

3. astea: Idazle izan. Historian kapitulu berriak idazten

Aurretik bildutako informazioa txukundu, idatzi, argazkiz hornitu eta irakasleari entregatu beharko diote ikasleek hirugarren aste honetan. Irakasleari fitxak bidaltzeko bestekaleak.eus webgunea erabiliko da.

4. astea: Editore izan... pausoz pauso

Irakasleak fitxak zuzenduko ditu eta ondoren, fitxak proiektu didaktikoetara gehituko ditu. Modu honetan, beste ikastoletako irakasleek fitxak ikusteko aukera izango dute. Horrekin batera, ikasleei fitxen azkeneko bertsio horiek Txikipediara igotzea eskatuko zaie.

5-6. asteak: Zure herriko kaleak izendatu

Ikasleek bi aste izango dituzte herriko kaleak izendatzeko. Horretarako, herriko kaleak zerrenda batean jasoko dituzte eta kale bakoitzaren generoa adieraziko dute: gizona, emakumea edo neutroa.

7. astea: Kale izenak mapan kokatu

Hurrengo astean, izendatutako kale horiek mapan kokatu beharko dituzte herriko kale izenen genero desoreka modu bisual batean ikusteko. Horretarako, bestekaleak.eus webguneko mapara jo beharko dute.

8. astea: Ekintzaile bihurtu

Zortzigarren astean eurek landutako emakumearen izenarekin plaka bat inprimatuko dute eta udalera kale izen hori jartzeko eskatuz eskaera bideratuko dute. Sortzen den fitxa bakoitzak plaka bat sortzen du automatikoki, beraz plaka talde bakoitzak sortutako fitxan aurkituko dute ikasleek.

9. astea: Amaierako ebaluazioa

Lanketaren azkeneko astean, ikasleei autoebaluaziorako eta koebaluaziorako fitxak banatuko zaizkie. Ebaluazioa egiteko fitxak unitate didaktikoan aurkitu daitezke.